Прочка не може да се замисли без кадаиф. За кадаиф во странство, ќе се помачиме секогаш и што ќе најдеме, прашање е, печен, непечен, препечен.
Овој беше потпечен малку, па си направив да биде по мое. Мерките може да си ги прилагодите.

За филот, оревите и бадемите, толчени, помешајте ги со циметот. Ролатачињата направете ги со намокрени раце со кисела вода, моделиријате го кадаифот и внатре ставете од филот, а за средишниот дел, едноставно ставете од филот одоздола и одозгора. Но, потпечете ги одделно, во тавчиња намачкани со путер и прелиени со путер, ролатчињата малку подолго, а правоаголниот дел сосема кратко, посебно ако сте купиле потпечен кадаиф каков што најдов јас. Потоа префрлете ги во тавче да бидат заедно, правејќи некоја декорација, јас го користев циметот. На крај, шербетот, не многу густ, но и тоа е по желба. Брзо, лесно, декоративно, вкусно !

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови