Комплетен ручек подготвен во една тава. Во мојот случај подготвен во мали садови за печење, ама вие прилагодете си ги состојките според потребите.

Подготовка
1. Ги рендаме излупените компири и кромид, па ги соединуваме со меленото месо. Ја додаваме жолчката и останатите зачини и брашното. Убаво соединуваме и правиме ќофтиња кои ги пржиме во масло. Ги редиме во тава во која ќе го потпечеме ручекот.
2. Компирите ги вариме, лупиме и од нив правиме густо пире. По наш вкус ставаме зачини и путер.
3. Кромидот ситно го сечкаме, морковот го рендаме и на масло ги пропржуваме да омекнат. Го додаваме процедениот грашок со 50 мл вода. Мешаме и динстаме кратко време или додека да испари водата.
4. Грашокот го ставаме во пирето и соединуваме. Оваа смеса ја истураме врз ќофтињата, рендаме кашкавал одозгора и тавата ја ставаме во рерна да се пече (потпече) на 200 степени, околу 10-15 минути.

Забелешка
Доколку имате инстант пире (по упатството на кесичката, со путер и зачини по вкус) може да се примени во овој рецепт ако сакате побрза подготовка на овој ручек. Исто така успешно ќе ви излезе, а и вкусот е одличен.
При пржење на кромидот и морковот искористив масло (во овој случај свинска маст) во кое се пржеа ќофтињата.

Фотографиите во овој рецепт се авторски фотографии.

Лиценца: Сите права се задржани