За време на пости ова е ручек со ,,месо„, ама шумско месо, така се шегуваме дома.

Подготовка
1. Кромидот, лукчето и пиперката ги сечкаме и ги упржуваме на масло на средна температура дедека да омекнат.
2. Го ставаме грашокот и сушениот зеленчук, налеваме вода и динстаме. Водата треба да испари и да ни остане сосема малку.
3. Ги ставаме зачините по желба и вкус.
4. При крајот откако е сварен грашокот со рачен блендер на едно место само го блендираме грашокот колку да ни згусне, а да не правиме запршка.
5. Печурките ги сечкаме на четвртини и на масло (во друга тава) ги ставаме да се упржат.
6. Откако ќе се испржат додаваме бибер, гиро зачин, буковец, мешан сув зачин или сол, и други зачини по вкус.
7. Ги соединуваме грашокот и печурките и сервираме.

Забелешка
Ако сте во брзање може да користите грашок од конзерва, во тој случај за многу побрзо време ќе се подготви ручекот.
Пржењето на печурките го започнувам со сончогледово масло, ама доставам при крај и маслиново, така ми имаат поубав вкус.
Кога ќе се испржат печурките може веднаш да ги соедините со грашокот, а може да ги сервирате и како што се во мојата чинија.

Фотографиите во овој рецепт се авторски фотографии.

Лиценца: Сите права се задржани