Квасецот се раствара со малку млако млеко за да нарасне. Во длабок сад го ставаме брашното, јајцето, белката, шеќер, сол, оцетот, зејтинот, млекото и надојдениот квасец и со рака замесуваме меко тесто. Го оставаме на страна. Откако еднаш ќе стаса тестото го притискаме со рака и го оставаме уште 30 мин. Потоа тестото го размесуваме и го делиме на три еднакви дела. Првиот дел го обојуваме во зелена боја и во него ги додаваме кршените ореви. Вториот дел го обојуваме со жолта боја и во него го додаваме сувото гројзе. Третиот дел го обојуваме со црвена боја и во тој не се додава ништо. Од сите три дела плетеме плетенка и ја ставаме во подмачкан со маргарин куглоф. Оставаме погачата убаво да стаса. Одозгора ја премачкуваме со жолчка и ја наросуваме со сусам. Ја печеме на тем.од 250С -10мин., а потоа ја намалуваме тем. на 200С и печеме уште 30мин.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови