Кремаста и многу вкусна торта. Се надевам дека и вам ќе ви се допадне.))))

Пандишпанот се подготвува на вообичаениот начин.
Се матат белките со малку сол во густа пена. Потоа се додава шеќерот и ванилата и се мати додека се стопи шеќерот и се добие цврст шам. Се додава и лимоновиот сок. Потоа се додаваат брашното, пецивото и оревите, мешајки со најмала брзина на миксерот. Убаво изедначената смеса се излева во плех намрсен со маргарин.
Се печи во загреана рерна, а времетраењето на печење е околу 30 мин. на 180 степени или печите према вашата рерна.
Печената кора се витка во памучен чаршав и се остава да излади, па се сечи на 3 ленти.

За филот најпрво се матат жолчките со шеќерот, додека го дуплираат волуменот неколку пати. Потоа се варат над пареа, со постојано мешање, додека се стопи шеќерот. Во жешко се додава чоколадото и се меша додека се стопи. Смесата се остава да излади.
За тоа време се мати маргаринот и путерот, додека побелат, па се соединуваат со смесата од жолчки.
Мелените ореви се попаруваат со врелото млеко и се остава да изладат, па се додаваат во кремот од жолчки.
Бананите се пасираат и се додаваат во кремот. Се убаво се меша, изедначува.

Шлаг кремот се мати со млекото додека ја добие потребната густина и цврстина.

Финална постапка
На тацната од кутијата за торти се става една третина од кората, се премачкува со една третина од филот, па тенко се премачкува со шлагот.Се става и вториот дел, па исто крем и шлаг.Се повторува постапката и со третата третина од кората и филот.Целата торта се премачкува со шлагот.
По желба може да употребите повеќе шаг од наведениот.
На здравје!

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови