Рецептов за тиквичките го видов на еден сајт за готвење, а и ми се поклопи со планот за денешниов ручек. Тиквичките се лупат и се сечат на пола, а секоја половина на ленти. Се ставаат во сад и се мешаат со сите зачини. Се оставаат околу половина час да отстојат. Потоа се цедат, па се валкат во брашно, разматени јајца и презла. Така стокмени се редат во тепсија во која сте ставиле масло (околу 10 лажици). Се печат во рерна на 220 ц . Кога ќе се исцрват од едната страна се превртуваат и се остават да добијат боја и од другата страна. Се редат на салфетки да се впие вишокот масло и секако на крај се дегустираат.
Можам да кажам дека се многу поубави од пржените, со крцкава коричка, а внатрешноста е мека .

Фотографиите во овој рецепт се авторски фотографии.

Лиценца: Сите права се задржани