![Полнети ѓевречиња со праз](https://moirecepti.mk/content/uploads/2021/01/-%d1%93%d0%b5%d0%b2%d1%80%d0%b5%d1%87%d0%b8%d1%9a%d0%b0-%d1%81%d0%be-%d0%bf%d1%80%d0%b0%d0%b7-0f229e-673x800.jpg)
Полнети ѓевречиња со праз
Морам да признаам дека овие ѓевречиња излегоа сосема случајно, ама на крајот не се покаав воопшто што ги направив, сите беа сити и среќни.
1. Од брашното, кавасецот маслото и млекото замесуваме убаво меко тесто кое го оставаме околу 1 час да надојде убаво. Е сега зависно од брашното може да ви треба плус брашно или не , нели некое брашно бара повеќе течност некое помалку.
2. Во меѓувреме го сецкаме ситно празот ги додаваме зачините, и го пржиме додека убаво омекне, јас прво го варам во вода некое време а подоцна го пржам. Кога е при крај го додаваме сирењето и сушеното месо, може да ставите какво имате дома или какво вие сакате да јадете, а тоа ќе му даде посебен вкус на празот, додаваме и едно јајце и се заедно пропржуваме. Вака добиената смеса ја оставаме да олади.
3. Од стасаното тесто правиме поголеи топчиња. Од секое расукуваме не многу голема кора( имам слики во прилог ) и ја полниме со смесата, па ја виткаме како ѓеврече.
4. Откако ќе ги направиме сите ги ставаме на плех обложен со хартија за печење, и уште половина час оставаме да надојдат. Пред да ги печеме ги мачкаме со јајце и наросуваме со сусам. Ги печеме во загреана рерна на 200 степени околу 20-25 минути додека не добијат убава боја.
Откако се готови, ги премачкуваме со маргарин и ги оставаме да омекнат.
А после некое време баш се меки како памук.
Лиценца: Криејтив Комонс - Наведи извор - Некомерцијално - Сподели под исти услови