![Полнети модри патлиџани (посно)](https://moirecepti.mk/content/uploads/2020/08/viber_image_2020-08-16_16-05-02888-9a46ca-800x600.jpg)
Полнети модри патлиџани (посно)
Едноставен, посен летен ручек. Прво модрите патлиџани ги миеме, им ги отстрануваме дршките и ги сечеме по должина секој на два дела. Ги издлабуваме им ја вадиме внатрешноста, ги посолуваме, ставаме малку зејтин и ги ставаме да се печат во рерна на 180 степени околу 15 минути колку да омекнат. За тоа време на тава запржуваме кромид, пиперка и морков. Потоа го додаваме и внатрешниот дел од модриот патлиџан исечен на коцки. Повторно запржуваме и ја додаваме и пченката. Посолуваме, додаваме свеж исечен босилок и накрај го додаваме и доматното пире од ДМБио. Со ова ги полниме малку запечените модри патлиџани. Одозгора ставаме кругови од исечен домат, врз нив босилок и ги враќаме во рерна уште 20 минути.
Лиценца: Криејтив Комонс - Наведи извор - Некомерцијално - Сподели под исти услови