Исчистете ги јаболката и исечкајте ги на мали коцкички. Ставете ги во тава и додадете го маслото. Пржете ги додека омекнат, па додадете ги зачините, сокот и кората од лимон и шеќерот. Пржете ги мешајќи додека на станат густи и лепливи. Оставете ги на страна да изладат. Шеќерот и зачините можи да ги додавате спрема вкусот и желбата на конзументите. Нам, оваа комбинација нам ни беше совршена.

Лиснатото тесто развлечете го во правоаголник врз набрашнета површина. Исечете го на пола на потесната страна, а на подолгата на 4 пати за да добиете 8 помали правоаголници.
Секој раб од 8те правоаголни форми премачкајте го со разматено јајце. На едната половина ставете од изладениот фил со јаболка, а другата засечете ја неколку пати со ноже или алатка, па префрлете ја преку делот со фил и убаво на секаде притиснете ги со раце рабовите.

Со шпакла префрлете ги питите во плех, обложен со пек-хартија и одозгора премачкајте ги со јајцето. Печете на 200С, 25 минути.
Кога доволно ќе изладат, наросете ги со шеќер во прав.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови