Навистина убава крем супа која брзо и едноставно се приготвува. Повторно ја ископав од ризницата на мајка ми. Сеуште ни е меѓу омилените и редовно си ја спремаме.

Чекор 1
Морковот, печурките и магдоносот се сецкаат. Компирот се ренда. Карфиолот се двои на мали делчиња.

Чекор 2
Се става путерот да се растопи и се пропржуваат печурките. Потоа се додаваат грашокот, морковот и компирот исто така малку да се пропржат. Се додава водата, коцките за супа, зачините и карфиолот.

Чекор 3
Кога супата ќе биде речиси готова, се мати жолчката со вилушка и се меша со павлаката. Полека се додаваат на супата. Потоа се додава магдоносот и лукот кој во меѓувреме сте го истолчиле.

Уживајте!

Фотографиите во овој рецепт се авторски фотографии.

Лиценца: Сите права се задржани