Денеска малку експериментирав . За прв пат дојдов на идеја во мелено месо да ставам зачин како што е циметот и суво грозје. Кога кажав дека малку ќе експериментирам, најмалиот по дома ме праша дали овој експеримент се јаде. Имавме супер ручек. На сите им се допадна.

Подготовка:

1. Тесто - Во длабок сад измешајте ги водата, маслото, пецивото и солта. Постепено додавајте го брашното и замесете тесто. Оставете го да отстои додека го спремате полнењето.

2. Во длабок сад ставете го меленото месо. Со рака убаво измесете го. Додајте ги останатите состојки и измешајте. Сувото грозје нека биде отстоено малку во вода, а потоа убаво исцедено.

3. На харија за печење посипете брашно. Тестото поделете го на еден голем и еден мал дел. Големиот дел расукајте го на набрашнетата хартија за печење. Со помош на сукало префрлете ја кората во калапот во кој ќе печете, претходно премачкан со малку масло и набрашнет. На средината нанесете го полнењето. Убаво израмнете го и притиснете. Расукајте го и малиот дел од тестото. Нанесете ја кората врз полнењето и убаво затворете ги краевите. Ставете да се пече на 190 степени, 45-50 минути. Испечениот колач оставете го да се олади во калапот.

4. Додека се лади пригответе го сосот. Во касерола ставете го маслото и брашното. На тивок оган ставете брашното да се подзапржи. Со постојано мешање додајте го млекото. Мешајте додека се згусти.
Тргнете од оган, додајте го пармезанот, сол, бибер и измешајте убаво со жица за матење.

5. Изладениот колач превртете го на чинија за сервирање. Сервирајте го со сосот и свеж зеленчук.

*Забелешка - Јас избрав да го печам во подлабок калап. Ако се пече во обичен округол калап, доволно е да биде со големина од 22- 24цм.

Фотографиите во овој рецепт се авторски фотографии.

Лиценца: Сите права се задржани