Рецептот за Кадрачињата од Ферера потекнува токму од градот Ферера кој се наога во северна Италија сместен во регионот на Емилија-Ромања југозападно од Венеција. Барајќи совршен рецепт за лебчево и испробувајќи најразлични за истото мислам дека дојдов барем приближно до оригиналниот (кој се разбира е тајна). Иако не живеам во тој регион, го имам пробано во една прилика и се заљубив во неговиот вкус. Има неверојатоно мека внатрешност и е крцкаво однадвор.
Се погоди натпреварот на темата, па имавме среќа и причина да си го вкусиме лебчево повторно.
Подготовка на тестото
Шеќерот и квасецот ги растопуваме во млакото млеко. Додајте ги и брашното, солта, водата и путерот и месете со раце додека не добиете мазно еластично тесто.Формирајте топка и остајте го да стаса. Рецептот вели дека тестото треба да стасува 1 час и 30 минути, но моето искуство е дека тоа зависи најчесто од собната температура. Доколку сметате дека тестото е готово(т.е кога ќе го налегнете со прст тоа не треба одма да се враќа) можете и помалку да го стасувате. Значи не е пресудно времетраењето.
Откако тестото ќе стаса размесете го и повторно остајте го 15 минути да стасува.
Кората од лиснато тесто размотајте ја и оставте ја на работната маса. Од стасаното тесто со сукало формирајте кора исто како онаа на лиснатото тесто и ставте ја врз кората од лиснато тесто. Налегнете со раце малку за де се спојат корите.
Корите расечете ги на ленти од 2 см.Секоја лентичка намоткувајте ја така што лиснато тесто секогаш ќе е одозгора (како на сликата), потоа формирајте прстен.
Прстените префрлете ги во тава за печење претходно обложена со хартија за печење, намачкајте ги малку со вода и посолете ги со крупна сол.
Печете во загреана рерна на 180 степени околу 20 минути или додека не поруменат.
Излегуваат околу 12 лебчиња.
На здравје!

Фотографиите во овој рецепт се авторски фотографии.

Лиценца: Сите права се задржани