Вкусни и лесни колачи кои се топат во уста и се готови за 15-тина минути.

1. Во сад се става 1 јајце и претходно растопениот путер и се меша со маталка.

2. Потоа се додава ванилинот шеќер и шеќерот во прав и убаво се меша.

3. Брашното се додава полека постојано мешајќи додека смесата не се соедини.

4. Плехот се обложува со хартија за печење, а хартијата се прска со масло за јадење.

5. Со лажица се зема од подготвената смеса и се става на плехот формирајќи кругови со големина по желба.

6. Врз секое колаче се ставаат зрна аронија и се притискаат за да навлезат во смесата.

7. Колачите се печат 7-10 минути (или додека не добијат светло кафена боја) во претходно загреана рерна на 220 степени.

* Доколку не сакате аронија можете да употребите друго овошје или коцки чоколада.

Фотографиите во овој рецепт се авторски фотографии.

Лиценца: Сите права се задржани