Многу ми се допаѓа рецептов, брзо се подготвува и е скоро без шеќер. Можете да го послужите и како сладок појадок. Мојот најмал син беше воодушевен, со секоја ужинка се сладеше со парче од колачов.

Подготовка
1. Морковот го рендаме на ситната страна од рендето, бананите ги пасираме со вилушка, па ги соединуваме со јогуртот и јајцата.
2. Сувите состојки ги помешуваме заедно со шеќерот и ги соединуваме со смесата од банани.
3. Ги додаваме сушеното и јаткастото овошје.
4. Во намрсен и набрашнет калап за куглоф ја истураме смесата. Печеме во загреана рерна на 180 степени околу 45-60 минути. Дали е готов пробуваме со чепкалка или стапче за ражничи.
5. Откако ќе се излади го прелеваме со преливот.
Мармаладот го загреваме на оган па му го додаваме чоколадото да се растопи. Го прелеваме куглофот и го наросуваме со листови бадеми.

Забелешка
Можете да искористите било каков мармалад, од кајсии, од сливи....Во него можете и да го изоставите ванилиниот шеќер, ставете малку екстракт од ванила или содржината од ванила стапче.
Ако немате калап за куглоф слободно истурете ја смесата во тавче, со што ќе ви треба и помалку време за печење, а ако сакате подекоративна варијанта, можете да го ставате и во калап за мафини, изборот е ваш.
Рецепт за мармалад од моркови и праски имате овде 

Фотографиите во овој рецепт се авторски фотографии.

Лиценца: Сите права се задржани