Апетитка со везен пипер на мој начин

Да ви ја претставам мојата апетитка, која стана неизоставен дел од спремањето зимница.

1. Доматите ги сечеме на половина и ги рендаме на ренде. Лушпата ни останува и ја фрламе. Се варат да им испари водата.
2. Пиперките ги сечеме на кругови, кога ќе испари водата ги додаваме во доматите да провријат и да омекнат, а во исто време го ставаме маслото и оцетот.
3. Целата смеса врие едно половина час, односно додека се згусне, а пиперките омекнат.
4. При крајот го ставаме сечканиот лук, шеќерот, сол по вкус, мешаме и вриеме уште некоја минута. Ја собираме во тегли.

Забелешка
Ние го сакаме вкусот пиперките, вака ни е убава апетитката и јас не го впржувам пиперот иако сум пробала и така да ја правам. Целата подготовка е во сечкањето и рендањето, вриењето е околу еден час, зависи колку ви е воден доматот. Инаку овој пат употребив индустриски домат, со многу малку семки, не толку воден и баш ми се допадна.
Лут везен пипер ставив 1 кг, затоа што беше многу лут, а вообичаено делам половина лут, половина благ.
Од оваа доза ми излегоа 12 тегли.

Фотографиите во овој рецепт се авторски фотографии.

Лиценца: Сите права се задржани

19 коментари

KaterinaM 16 сеп 2014 @ 20:32

Ubavini, samo da si makas i da ne znaes za dosta:)))
- teofanija 16 сеп 2014 @ 23:30
  
  Кате, најстариот син вели,, од што е вкусна, ми е страв да не ја прејадам" :)))нема засит, со топло лепче....
nadicaveles 16 сеп 2014 @ 22:04

Ova kako za mene. Jas neznam da kazam ne na lutoto.
I se mislam imav eden vakov recept objaveno ovde,lani go podgotviv, a godinava uste ne mu dosol redot :)
- nadicaveles 16 сеп 2014 @ 22:07
  
  http://moirecepti.mk/post/%D0%B0%D0%BF%D0%B5%D1%82%D0%B8%D1%82%D0%BA%D0%B0-%D1%81%D0%BE-%D0%B2%D0%B5%D0%B7%D0%B5%D0%BD%D0%B8-%D1%87%D1%83%D1%88%D0%BA%D0%B8/ ete go receptot, ima mali razliki.
teofanija 16 сеп 2014 @ 22:37

Наде, си ја направив апетиткава, па си реков да проверам на нашава страна дали има поставено рецепт и ги видов вашите итвојата апетитка, која ми се допадна и да, има разлика во подготовката па решив да ја споделам и мојата верзија, не е лошо да се иимаат повеќе различни рецепти, можеби ќе му се допадне на некого и вака подготвено:)
- nadicaveles 16 сеп 2014 @ 22:55
  
  Убаво е кога има повеќе начини на подготовка. Супер што си ставила и ти од твојата варијанта.
ttrpovska 16 сеп 2014 @ 23:26

Највкусните ги прави мајка ми, исто на овој начин. Мммммм....
Klara 17 сеп 2014 @ 09:11

I da si jajte luto. Jas sum si dovolno luta, pa ne se trpime. :) Eve ke si pogledam, kako se potite, jadite... :)
vikianemaja 17 сеп 2014 @ 16:51

Редовно кај мене секоја есен се подготвува:)ако можам ќе пуштам и некоја слика:)
katerinanaskova 17 сеп 2014 @ 16:51

i jas mnogu sakam luto, mi se dopadna
Ceslaroska 18 сеп 2014 @ 15:49

mnogu gi sakam vakvite recepti :)
vanila 18 сеп 2014 @ 22:06

Многу, многу убава, испробано :))
aurora 19 сеп 2014 @ 17:03

Одличен рецепт!
Инаку мислам дека добро би му дошло и малку моркови. :)
teofanija 20 сеп 2014 @ 01:02

Може и со моркови, не сум пробала, ви благодарам на сите што одвоивте време за рецептов:)
ttrpovska 29 сеп 2015 @ 13:46

Теофанија, што повеќе да кажам освен дека си најбоља?! :)
Апетиткава е ВРВ! Вкусот е неверојатен и ме врати назад во детството. Мајка ми сеуште, за мене, ја прави најубавата апететика ама и оваа јас што ја направив сега по твојот рецепт е ИСТО добра како нејзината. Ти благодарам што ги споделуваш рецептите и така убаво ги објаснуваш. Поздрав голем од мене :)
- teofanija 29 сеп 2015 @ 14:11
  
  Теа маааа...баш ми го направи убав овој ден:)
  Да ти кажам дека почувствував по малку од се,
  засраменост (зошто не правам ништо особено),
  гордост (зошто сакам и јас убаво објаснети рецепти), благодарност (за фотките и поздравот),
  радост (зошто некој успеал во сопствено зададената цел, да направи нешто вкусно).
  Поздрав !
katerinanaskova 2 окт 2015 @ 07:16

Вале скромна слика од мојот синоќашен труд.
Рецептот за апетитка ти е одличен,само има една маана, многу оди сиренце и домашно лепчееее, ха, ха поззззз
katerinanaskova 2 окт 2015 @ 07:17
- teofanija 2 окт 2015 @ 10:37
  
  :):):) Леле ма Кате вредна домаќинка! Браво за се! И што успеа да направиш фотка и што го направи по овој рецепт! Поздрав и ти благодарам што твојот успех и труд ги сподели тука со нас!