Фичо ќе ни подготви еден интересен специјалитет кој потекнува од Либан.

Подготовка

Чекор 1: Телешкото месо исечете го на тенки парчиња. Парчињата мора да бидат тенки бидејки доколку се дебели, ќе станат тегави и тешки за соџвакување.

Чекор 2: Сецканото месо ставете го во длабок сад, додадете малку маслиново и малку сончогледово масло и еден цеден лимон. Додадете сол, бибер, малку чили, мелен ким и доколку најдете свежо нане.

Тајната состојка е Нането, на ова јадење му дава свежа нота.

Откако ќе завршите со маринадата, оставете го месото на страна да ги впие сите вкусови од зачините.

Чекор 3: Додека месото одмара на страна, пригответе ја салатата. Ситно исецкајте една китка магдонос и еден кромид.

Магдоносот е природен диуретик и е одличен за оние што имаат проблем со висок притисок.

Двата дела на салатата промешајте ги заедно и оставете ги на страна.

Чекор 4: За тоа време, загрејте тавата за пржење, додадете го зачинетото месо и пржете го убаво, да не биде крваво. Додека месото се пржи, зачинете ја салатата сол, маслиново масло и сок од еден лимон.

Месото послужете го како што го направи тоа Фичо, така е најдобро и традиционално.

Добар апетит.

СОВЕТ: Мешајте со раце, така е традиционално.