Тиквата е состојка створена за супа. Нејзиниот богат вкус и боја ја прави една од најважните зимски состојки. Постојат многу рецепти за супа од тиква, но овде овој коренест зеленчук го комбинираме со печени црвени пиперки.

Преземи го рецептот во PDF

Состојки

  • Половина тиква со средна големина
  • 2 коцки за супа од зеленчук
  • 500 милилитри вода
  • 2 чешниња лук
  • 1 главица црвен кромид
  • 3 цели печени пиперки

Вид на оброк: Предјадење
Комплексност: Лесно
Лица: 4
Време на подготовка: 30-60 мин.

Подготовка

Чекор 1: Време е за сечкање: Прво ќе го исечкаме лукот. Потоа и кромидот – не морате да бидете премногу уредни.
Сега и тиквата – доволни ќе бидат големи коцки или парчиња.

Чекор 2: Загрејте малку вода со коцките за супа од зеленчук... Не морате да додавате зачини бидејќи коцките за супа веќе ги содржат.

Сега ставете ги кромидот, лукот и тиквата. Крчкајте ја смесата околу 20 до 25 минути…

При крајот ставете ги и печените пиперки во смесата.

Чекор 3: Време е за блендер: Земете рачен блендер и иситнете ја супата за да добие рамномерна густина. Исто така, доколку на располагање имате обичен блендер, можете да го употребите за ситнење на смесата…

Чекор 4: Време е за сервирање: Со црпалка ставете од супата во длабока чинија.

Одозгора ставете малку павлака.

Сервирањето завршете го со исечкан магдонос за декорација.

СОВЕТ: Секојпат кога правите супа сфаќате колку е всушност лесно и колку креативна слобода имате. Навистина можете да експериментирате со вкусови, зачини и билки…. Многу ретко се случува некоја комбинација на состојки да не одговара за супа.

Користени Делимано садови за подготовка на овој рецепт: Касерола