Кога температурите се намалуваат и почнува да се стемнува се порано, нема ништо подобро од хранливо јадење да Ве најаде и стопли на крајот од напорниот ден. Овој рецепт ни доаѓа од Франција и е извонредно богат и вкусен.

Преземи го рецептот во PDF

Состојки

  • 200 грама бел грав
  • 5 големи колбаси
  • 100 грама сланина
  • 2 главици кромид
  • 1 рака магдонос
  • 1 цело стебло праз
  • 4 чешниња лук
  • 300 милилитри бело вино
  • 1 коцка за пилешка супа
  • Сол и бибер
  • Маслиново масло

Вид на оброк: Ручек
Комплексност: Лесно
Лица: 6
Време на подготовка: 2-3 часа

За подготовка на овој рецепт користиме Делимано Тава за пржење и Тава со рачки.

Подготовка

Чекор 1:Време е за сецкање! Исечкајте го празот на парчиња. Потоа и кромидот и лукот.

Ситно исечкајте го магдоносот, а по него исечкајте ги и колбасите и сланината.

Чекор 2: Пропржете го месото во масло. Сакаме тоа да го ослободи вкусот и маснотиите. Ако го вариме без да го пропржиме, на крајот ќе биде меко и нема да биде толку убаво.

Чекор 3: Извадете го месото и потоа испржете го празот, кромидот и лукот. Убаво зачинете.

Чекор 4: Изронете една коцка за пилешка супа и потоа ставете го месото, гравот, магдоносот и белото вино. Прелијте ги состојките со вода и крчкајте на тивок оган околу 3 часа. Можете да го скратите времето на варење ако гравот го оставите да отстои во вода преку ноќ.

Чекор 5 Сервирајте со гарнир од свеж магдонос и едноставно ставете обилна количина во чинија. Бон апетит!

СОВЕТ: Ние јадењето го варевме на рингла неколку часа, но Французите знаат да го подготват овој рецепт и печен во рерна со богато масно месо како што е сланината, колбасите, а често и месото од патка. Масното месо му помага на јадењето да се згусне и неговите сокови прекрасно ги покриваат меките зрна грав.