Да ви предложам здрав, посен, топол оброк.
Тиквата исечкајте ја на помали коцки. Компирот, морковот и кромидот излупете ги и нив сецкајте ги на помали коцки. Ставете ги во тенџере. Додајте ја водата, маслото и зачините по вкус.
Ставете ги да варат некои 20 минути или додека зеленчукот омекне. Тенџерето тргнете го на страна и со рачен блендер или каков ќе имате изблендирајте го зеленчукот да се добие изедначена чорба. Со оваа количина на вода мене густината ми беше тамам, а ако сакате поретка може да си додадете уште малку вода. Но откако ќе се изблендира и повари повторно, малку ќе се згусти.
Вратете го на оган да повари уште 10-минути .
Чорбата послужете ја топла со лепче. Ако сакате луто може да си додадете и буковска пипер.

Фотографиите во овој рецепт се авторски фотографии.

Лиценца: Сите права се задржани