Се трудам ќеркичката да ја држам подалеку од чоколади од продавница, па ова е еден од рецептите кои и ги подготвувам, а од кој редовно крадеме и ние. Се прават многу брзо и едноставно.
Растопете го какао путерот и во него дададете го медот и какаото и мешајте додека не добиете изедначена смеса. Садот со смесата ставете го во друг сад со топла вода оти какао путерот брзо се стврднува на собна температура. Премачкајте ги калапчињата и оставете околу 1/3 од сметата за затворање на пралините. Калапчињата ставете ги во замрнувач додека го подготвувате полнењето.
Во друг сад ставете ги кокосовите снегулки и постепено додавајте растопено кокосово масло (обично додавам околу 8 лажици масло) и мешајте. Овде може да додате и малку какао путер, растително млеко но и мед. Во тој случај намалувајте соодветно од другите состојки. Јас пралиниве ги сакам само со полнење од кокос и кокос масло, а ќерка ми нема забелешки, па така и ги правам. Со млеко полнењето е посочно, а со додавање на мед пралините се преблаги за мој вкус.
Наполнете ги калапчињата и вратете ги во замрзнувач. Доволно се и само неколку минути. На крајот премачкајте со остатокот од чоко смесесата и вратете во замрзнувач.
Извадете ги пралините од замрзнувач само неколку минути пред да ги послужите.
За веганска варијанта, медот заменете го со агаве.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови