Драги мои, моето љубопитство се исплатеше.
Неодамна во една статија на интернет прочитав за овој рецепт-КРОНАТ.
Сето започнало во Америка, кога пекарот по име Доминик Ансел во мај оваа година сакал да направи некое ново слатко и почнал да експериментира со вкусовите. Тој го направил Кронатот кој предизвикал хистерија во Америка
Тоа е комбинација на францускиот кроасан и америчките крофни.

Цела куќа ќе ви мириса на пекара.
Крцкави слатки задоволства на кои не можете да им одолеете.
Топло ви ги препорачувам.

Во еден сад се ставаат млекото и квасецот и оставете ги 10 минути
Се додаваат шеќерот, јајцата, ванилата убаво сето се промешува.
Постепено се додава брашното, но не целосно ( ќе ви остане малку)
Останатаото брашно додадете го во вангличка во кој е маргаринот и изматете ги со миксер
Тестото оставете го во еден сад 15 минути.
Потоа од него се расукува кора и се премачкува со маргаринот.
Се предиплува како кога се прави лиснато тесто.
Нека одстои во фрижидер 20 минути.
Постапката повторете ја уште 3 пати.
Потоа се расукува една голема кора и со чаша се вадат форми, а во средината со мало чаше се вадат форми.
Наредете ги на чиста крпа, нека одтојат 10 минути и пржете ги на не многу силен оган. Наредете ги на хартиени салфети.
Посипете со шеќер во прав, цимет, јаворов сируп......Изборот е ваш
Дебелината на кората одредете ја сами, се во зависност колку сакате да ви бидат високи кронатите.
Јас ја исукав со дебелина од 5 мм.
Наздравје и уживајте во фантастичниот крцкав вкус.

Фотографиите во овој рецепт се авторски фотографии.

Лиценца: Сите права се задржани