- Путерот стопете го и од него одвојте неколку лажици (2-3) оставете да се олади
- Во садот во кој ќе месите ставете ја млаката вода и додадете во неа шеќерот и квасецот, размешајте и оставете да се активиран. Откако се активирал квасецот - додадете во него разматеното јајце, путерот кој треба да е ладен но сепак течен, додадете ги двете врсти на брашно измешани со солта, измесете убаво глатко тесто кое не се лепи за рацете (домесете го на работната маса). Покријте и оставете да стаса.
- Стасаното тесто поделете го на онолку делови колку што може да се подели според плехот во кој ќе печете - кај мене овој пат на два дела, а може помали да бидат делејки го тестото на 4 до 6 дела.
- Секој дел расукајте го на хартија за печење во правоаголна кора која би требало да биде најтенко до 3 мм. Секоја кора премачкајте со четка од одделениот путер, посипете од вас избереното семе дијагонално. Со хартијата преместете ги во тавката во која ке печете. Вертикално исечете ги фурнаринките на ленти најшироки до 2 см. Покријте и оставете да стаса. Доколку сакате да ставите куркума - тогаш направете од неа со малку вода како кашичка и премачкајте ја целата кора, па врз неа семињата или пак дијагонално исто така минувајте со четката. Ваш избор. Сосема кратко време и печете во претходно загреана рерна од 180 до 200 степени.
На мене ми требаше да бидат како залаци и затоа така ги исеков.

Фотографиите во овој рецепт се авторски фотографии.

Лиценца: Сите права се задржани