Прво се спрема филот.
Млекото заедно со шеќерот и ванилата се става во тенџере на оган да зоврие. Малку од млекото се остава настрана за да се измеша со брашното и жолчките. Жолчките се матат со миксер и постепено се додава брашно и млеко. Кога ќе зоврие млекото се додава смесата со жолчки и брашно и се меша додека се добие потребната густина. Филот се трга настрана и се остава да се излади. Откако убаво се излади се додава 125 гр. изматен маргарин.

За кората.
Се матат јајцата со шеќерот. Откако шеќерот се растопи и се добие густа смеса се додава врелата вода и маслото. Се исклучува миксерот и во садот се додаваат сувите состојки претходно измешани (брашното, пецивото и какаото). Вака добиената смеса се става во плех бр. 30 на 180 степени околу 20 минути. Се остава кората да се излади а потоа се сече со мала чашка за ракија со остра ивица. Добиените парчиња се сечат на половина, а потоа се премачкуваат со филот и се лепат. Добиеното колаче се премачкува по страните и се валка во кокос. Постапката се повторува со сите колачиња. Се добиваат околу 40 броја. Половина од колачињата се преливаат со глазура од црно чоколадо а другите со бело. Глазурата се спрема на пареа со една лажица масло за јадење. Врз колачињата со црно чоколадо се прават шари од бело чоколадо и со помош на чачкалица се прават прекрасни шари. Постапката се повторува и обратно на белата глазура се прават шари од црно чоколадо.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови