Белките изматете ги пенасто, додадете го постепено шеќерот. Матете со миксер додека да добиете густа, цврста и сјајна смеса. Брашното, оревите и пецивото измешајте ги, па додадете ги во белките. Измешајте внимателно со шпатула и излејте ја смесата во тавче бр.26 обложено со хартија за печење. Печете на 200 степени во загреана рерна околу 15 минути во зависност од рерната. Печеното тесто извадете го од тавата и оставете да се излади. Пренесете го на тацна и ставете висок обрач околу него.

Фил 1
Ако користите вишни од компот, исцедете ги и од течноста измерете 250 мл. Доколку користите замрзнати вишни, одмрзнете ги, а течноста која ќе ја испуштат дополнете ја со вода за да добиете вкупно 250мл. течност.
Жолчките, пудингот и 100мл. од течноста изматете ги колку да се спојат состојките. Во тенџере ставете го остаткот од течност (150мл.) и шеќерот и вклучете ја рингата да се загрева. Додадете ги вишните. Нека врие на умерена температура 5 минути па додадете го растворениот пудинг. Варете со постојано мешање додека да добиете доста густ фил. Додека е врел, распоредете го врз тестото. Ставете стреч фолија врз филот и осатвете потполно да се излади.

Фил2
Шлаг кремот изматете го според упатството за употреба. Павлаката и шеќерот измешајте ги, додадете ги мелените бисквити. Убаво измешајте ја смесата па додадете го шлагот. Соединете, и овој фил распоредете го врз филот од вишни. Оставете во фрижидер да се излади добро, мин. 5 часа.

Декорирајте со подготвен шлаг крем или по ваша желба.

Напомена
Доколку користите компот од вишни, тогаш би препорачала шеќерот во првиот фил да го намалите за 50гр.

Фотографиите во овој рецепт се авторски фотографии.

Лиценца: Сите права се задржани