Во пресрет на Св.Никола решив да се обидам да направам нешто ново и еве излегоа прекрасни и превкусни пралини.
Состојките се за 15 пралини - според силиконскиот калап кој го користев.

Чоколадото се топи на пареа заедно со маслото. Со мала четкичка (за темпера, поцврста) се премачкуваат формите од калапот од сите страни. Калапот се става во замрзнувач 5-10 мин. за да се стегне чоколадото. Постапката се повторува уште 2 пати - формите да бидат убаво премачкани со чоколадо.
Во меѓувреме се подготвува и филот. Во сецко се ставаат сите состојки, за да се исецка ситно сувото овошје и смесата да стане хомогена. Потоа смесата се претура во подлабока чинија и се дообработува со рака. По потерба се додава од течностите или од мелените бисквити. Смесата не треба да е многу влажна но и да не се рони.
По последното вадење на калапот од замрзнувач, се полнат формите со смесата до под врвот. Со прст убаво се притиснува и се долива со чоколадо. Калапот се враќа во замрзнувач уште 10-15 минути.
Потоа пралините се вадат и се чуваат во фрижидер (ако не се излапкаат веднаш)
Обидете се да ги направите - навистина е лесно. Сите што ги пробаа, беа воодушевени од нивниот вкус и изглед...

Фотографиите во овој рецепт се авторски фотографии.

Лиценца: Сите права се задржани