Најпрво се подготвува филот.
Празот се чисти, мие и се сечка. На оган во тава ставаме 4-5 лажици зејтин и го ставаме ситно исечканиот праз да се пржи. Па додаваме сол и црн пипер. Во друга подлабока тава ставаме 3 лажици зејтин да се загрее, откако добро ќе се загрее зејтинот го ставаме оризот, убаво да се пропржи, па се додава 400 мл. врела вода, се додава 1 лажица мешан сув зеленчук и се остава да се вари на тивок оган додека оризот не ја впие целата течност. Оставаме да се олади. Откако ќе се олади оризот се измеша со празот, се додаваат 2 јајца и 2 лажици павлака.

Потоа, се подготвува преливот за премачкување на корите. Во водата се става брашното, пецивото, солта и зејтинот и се измеша.
Се одвојуваат по 4 кори. Секоја кора се премачкува со преливот за премачкување на корите и се редат една врз друга. Врз последната кора рамномерно се распоредува филот од празот и оризот. Се витка ролат. Постапката се повторува со сите кори. Ролатите се редат кружно во подмачкана кружна тепсија и се премачкува со остатокот од преливот за премачкување на корите. По желба се посолува со сусам.
Се пече во рерна загреана на 200 степени, околу 35 миути.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови