Многу сакам да експериментирам со рецепти особено кога постиме. Вистински предизвик ми е да направам некое ново благце и воедно корисна комбинација по состав која ќе ги воодушеви сите. Ова беше еден таков успешен експериментален рецепт!

Подготовка
1. Индиските ореви ги миеме па киснеме во вода неколку часа.
2. За подлогата сите состојки ги ставаме во нутрибулет или друг блендер и ги мелеме. Ги распоредуваме на силиконска тава или на најлонска фолија во тавче.
3. Сите состојки за кремот ги ставаме во нутрибулет и мелеме додека да ни се направи кремот со мазна структура.
4. Го распоредуваме врз подлогата и ги редиме малините врз кремот. Го оставаме во замрзнувач да се стегне.
Некои 10-15 минути пред да го послужиме го вадиме од замрзнувач.

Забелешка
Индиските ореви ги ставам од вечер и наутро го правам десертов. Урмите се без семка. Ако немате какао путер и не ставајте, може да се врзе смесата за подлога и без него. Големината на тавчето треба да ни е околу 10х20 см, а јас овој пат правев мали тортички кои ги ставав во округли калапчиња.
Медот или засладувачот кој ќе го ставате од вас зависи која количина ќе ја ставате односно колку вие сакате да ви биде благ десертот. Јас си пробував и ова е за мене идеална количина на мед, па во рецептот колку сум ставала толку сум напишала.
Ако го замените медот со агаве сируп или друг засладувач десертов ќе биде и вегански.
Ставив од овој ситен шеќер што го имам во кој има и ѓумбир и кора од портокал и кој има многу убав вкус. Ако немате ваква варијанта, можете да си изрендате малку од свеж ѓумбир и кора од портокал или пак ѓумбир во прав и мелени аранчини или пак наједноставно ставете сок од лимон и изрендајте по вкус кора од лимон.
Млекото што ќе го ставите може да биде бадемово или некое друго растително што си го користите вие.

Фотографиите во овој рецепт се авторски фотографии.

Лиценца: Сите права се задржани