Подготовка на пандишпанот
Белките со шеќерот изматете ги со миксер во цврст снег. Исклучете го миксерот и додајте ги маслото, оревите, брашното и пецивото. Измешајте со шпатула да се изедначи смесата.
Ставете ја во плех намачкан со масло и посипан со брашно, израмнете ја и ставете ја да се пече во претходно загреана рерна на 180 степени околу 20 мин.
Печениот пандишпан оставете го да олади.

Подготовка на филот
Млекото со пола од шеќерот ставете ги да зовријат.
Жолчките изматете ги со другата половина од шеќерот, брашното и густинот да нема грутчиња па додајте ги во зовриеното млеко. Сварете густ пудинг. Тргнете го на страна и покриен оставете го да олади.
Путерот изматете го, со постепено додавање на пудингот матете додека кремот убаво се изедначи и биде мазен.
Поделете го на три дела. Во едниот додајте го кафето, во вториот дел мелените лешници, а во третиот чоколада. Убаво изматете ги да се изедначат во кремот.
Ставете ги во фрижидер малку да се стегнат пред да е филовате тортата затоа што при работа малку се пушта.
Филовање на тортата
Пандишпанот исечете го на три еднакви ленти.
На подлога за торта ставете една лента премачкајте ја со филот од лешници, па друга лента - фил со кафе, трета лента - фил со чоколада. Или редоследот на филовите можете сами да го одредите. Целата торта премачкајте ја и украсете ја со слатка павлака.
Пред да ја сечите оставете ја во фрижидер убаво да се стегне.

Фотографиите во овој рецепт се авторски фотографии.

Лиценца: Сите права се задржани