Брзи, вкусни залчиња, одлични како топло предјадење.

Џигерчињата се чистат од жиличките и се сечат на две, по должина.Се мијат и се цедат, сушат со кујнска хартија. Малку се посолуваат.
Сувите сливи се мијат со топла вода, се сушат-бришат. Се сечат на две.
Се става на подлога парче сланина, на почетокот се става слива, па џигерче.
Се завиткува убаво стегнато во ролат и се зацврстува со чепкалча.
Така се формираат сите.
На плитка мрснотија во тефлонска тава или грил тава, се пржат прво од едната страна, па од другата страна, додека сланината порумени. Се пржат покриени со капак.
На здравје!

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови