Одлична комбинација на вкусни состојки сместени во една тава. Ви останува само да направите салата и ако сте љубител на лутко, одлично оди со свежа лута пиперка. На здравје!

Подготовка.
1. Го маринираме во млеко пилешкото, кое претходно сме го исечкале на коцки и тоа барем 2-3 часа пред печење.
2. Компирите ги сечкаме на коцки, кромитчето на ситно, а доматите на тенки кружни ленти.
3. Во намрсена тава го ставаме компирот. Врз него кромитчето, па парчињата пилешки гради. Врз месото редиме кругови домат и сето ова го залеваме со преливот.
4. За преливот ги матиме јајцата со киселата павлака и млекото, па зачинуваме по вкус.
5. Врз сето ова рендаме кашкавал.
6. Првите 15-20 минути од печењето тавата ја затвораме со капак.
7. Печеме на 200 степени во загреана рерна, а потоа го тргаме капакот за да се запече.

Забелешка
Некако ми исчезнаа 2 дополнителни фотографии (највероватно по моја грешка)па не можам да ви ги приложам, ама по текстот ќе знаете како да го направите рецептов.
Ако немате соодветен капак за тавата, затворете ја со алуминиумска фолија.
Не ја преполнувајте тавата со намирници, за да при печењето не ви се случи да ви претекуваат состојките.