Времето се затоплува и убаво е да се освежиме со овошни пијалоци. Еве една идеја за убав сок.
Годинава максимално ги искористив портокалите. Направив разни видови на сок. Еве ја и оваа варијанта.
Портокалите измијте ги убаво со вода па попарете ги во врела вода и оставете ги да постојат.
Потоа извадете ги од водата па ставете ги во замрзнувач.
Нека постојат еден час.
Извадете ги и сомелете ги. Ги мелеме со се кората,комплет.
Добиената смеса помешајте ја со шеќерот и лимонтозите па додајте ја водата.
Промешајте да се соедини.
Прецедете и полнете ги стаклените шишиња.
Јас веднаш го ладам сокот зашто така најмногу го сакаат моите дома.
На здравје со домашното сокче од портокали.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови