Кога ќе подготвувате еден ваков колач најдобро ќе знаете дали ви е успешен кога ќе почнат домашните да ви се прибираат во кујна водени од мирисот.
Сладок, крцкав од оревите и освежителен од аронијата, а мирисен од зачините, ете таков е.

Подготовка
1. Ја вклучуваме рерната на 180 степени.
2. Бананите ги блендираме.
3. Во еден сад ги ставаме брашното и пецивото, соединуваме. Потоа ги доставаме сите останати состојки шеќерите, зачините, оревите. Промешуваме па ги додаваме маслото, бананите и водата.
4. Соединуваме со мешање и откако ќе се направи една средно густа смеса додаваме 100 гр аронија. Внимателно и неа ја соединуваме да се распореди фино во смесата.
5. Во намрсено и набрашнето тавче со димензии 27х27 ја распоредуваме смесата и врз неа ги додаваме остатокот од аронијата и наросуваме кафеав шеќер.
6. Печеме околу 25-30 минути.

Забелешка
Бананите треба да бидат излупени за да ни бидат со оваа грамажа.
Користев од ситниот шеќер со ѓумбир во прав и портокал, ама како замена можете да си ставите рендана кора од портокал и 1/4 лажичка ѓумбир во прав.
Во колачот ставив смрзната аронија, а може и свежа.
Дали е печен колачот проверуваме со чепкалка, ако е сува печен е.

Фотографиите во овој рецепт се авторски фотографии.

Лиценца: Сите права се задржани