Еве една превкусна чорба, која се надевам ќе стане дел од вашиот секојдневен ручек.
Во сад на оган ја ставаме претходно исчистената леќа да се вари.
Додаваме морков и пашканат исецкани на коцки.
И ловоровиот лист го пуштаме во леќата и оставаме да се вари.

Во друг сад го замесуваме јајцето со брашното.
Месиме додека не добиеме тврдо тесто од кое сукаме сукалце и сечкаме парченца.
Од тие парченца формираме мали кнедлички кои ги вариме во посолена вода во која додаваме малку масло.
Откако се варени кнедлите ги цедиме и плакнеме со студена вода. Оставаме добро да се исцедат.

На страна во тава на оган ги пржиме колбасите кои претходно ги исецкавме на тркалца. Ги додаваме кнедлите и наросуваме црн бибер и сол. Додаваме и пола лажиче шеќер. Пропржените колбавчиња и кнедли ги префрламе во чорбата од леќа, а во истото масло го додаваме ситно сецканиот лук. Откако ќе се запржи му додаваме брашно. Кога брашното поруменува го додаваме црвениот пипер и промешуваме. Запршката ја додаваме во чорбата која е на оган. Оставаме да поврие околу 5 минути и чорбата е готова.
Забелешка
Чорбата е уште повкусна ако ја служиме со оцет кој е зачинет со ситно сецкан магдонос и лук.
На здравје

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови