1. Јајцата се матат со маталка. Се додаваат сол и оригано, се меша се заедно и се тргаат настрана.

2. Печурките се пропржуваат во маслиново масло заедно со прстофат сол и 1/2 лажичка буковец и се тргаат настрана.

3. Неколку листови спанаќ се тргаат настрана, а остатокот се пропржува кратко додека не омекне.

4. Во чинија се ставаат 3-4 парчиња од чадената шунка (едно до друго и по малку едното парче да биде над другото), врз шунката се ставаат 2 листови свеж спанаќ, а врз нив се става од омекнатиот спанаќ, пржените печурки и рендан кашкавал па се витка една голема ролна. Од овие состојки треба да се добијат 4 големи ролни.

5. Се зема не леплива тава и се премачкува со маслиново масло. Откако ќе се загрее се става тенок слој од матените јајца и откако убаво ќе се испржат (како палачинка) на средината се става една од претходно подготвените ролни. Со едниот крај од палачинката од јајца се прекрива ролната и се повлекува до крајот на тавата. Во празниот простор од тавата (кој се ослободи со повлекувањето на јајцата) се дотура од матените јајца. Кога и тој дел ќе се испржи убаво целата ролна се превиткува со јајцата и се притиска со лажица за убаво да се стегне.

6. Ролничките се оставаат неколку минути, а потоа се сечат на парчиња со големина која вас ви одговара.

Фотографиите во овој рецепт се авторски фотографии.

Лиценца: Сите права се задржани