Со печурки имаме многу рецепти. Некои посложени, а некои едноставни и вкусни. Денес ќе напишам еден рецепт кој го вкусив одамна, па го приготвувам постојано во својот дом.
Порано шампињоните ги миев, па секогаш доаѓав до проблемот кога треба да се пржат долго заради водата што ја испуштиле.
Сега само ги зачистувам од надвор и ги користам.
Во садот во кој ќе приготвуваме ставаме масло да се загрее.
Ситно сецканото лукче го ставаме на маслото и запржуваме додека лукчето не ја добие стаклената боја. Шампињоните претходно спремни за готвење ги додаваме во садот.
Пржиме на средна температура.
Меѓувремено зачинуваме со сол, бибер и црвениот пипер.
Го додаваме сокот од свежо цедениот лимон.
Оставаме да се попржат додека не ја добијат таа румена боја.
Сервираме во сад и служиме.
Може да биде добар прилог со месо но и додаток со пире или засебно како мезенце.
На здравје со овој вкусен рецепт.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови