Екстравагантен изглед и вкус. Толку ќе кажам. Случајно подготвен, но многу успешен рецепт.
Збогатете ја вашата празнична трпеза со ова ладно предјадење.

Подготовка:

1. Во потесна правоаголна тава ставаме хартија за печење. Расфрламе афион по неа. Ги редиме листовите гауда во 4 реда по 2 парчиња или во 3 реда по 3 парчиња.
2. Во сад ги соединуваме ситно сецканите кисели краставички, сецканата црвена пиперка и сецканиот спанаќ, крем сирeњето.
3. Сега тавата ја ставаме во рерна загреана на 100 степени. Нека стои само 2,3 минути, колку да се стопи гаудата. Го вадиме плехот од рерната.
4. Нежно го размачкуваме филот. Завиткуваме ролат. Убаво го стегаме. Го завиткуваме во фолија и го оставаме во фрижидер да се излади и стегни. Го сечиме на парчиња и го послужуваме.

Фотографиите во овој рецепт се авторски фотографии.

Лиценца: Сите права се задржани