Мојата прва и никогаш незаборавена овошна салата беше во некогашниот Млечен ресторан на градот кој ги имаше најубавите десерти и пици. Не сум многу по овошјето, но таа често знаевме да си ја нарачаме и со сласт да си ја изедеме.
Поведена од сеќавањето на неа како импровизација се створи оваа овошна салата. Разликата е во тоа што таа содржеше мешавина од свежо и конзервирано овошје во компот и сокот, што го ставаа во неа, беше сокот од компотот. Јас решив да ја направам со ова овошје кое го имав при рака и излезе одлична комбинација со џусот од портокал, плус додатокот на свежо нане. Секако, чашата во која е сервирана е иста и задолжителниот шлаг одозрога.

Подготовка:

1. Исечкајте ги ситно праската и крушата. Капините, се разбира, одат цели.
Искинете ги на ситно ливчињата нане. Не користете нож, кинете со раце. Така аромата повеќе се осеќа.

2. Измешајте се заедно и сипете го овошјето во висока чаша со широк отвор.
Истурете го џусот и одозгора ставете го шлагот.

3. Украсете по желба. Јас ставив карамел сос и чоколадни струготини и уште по некое мини ливче мента.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови