Во млакото млеко се става шеќерот и раздробената коцка свеж квасец. Кога ќе нарасне се додава мелениот лен, солта, постепено се додава брашното, маслото и прашокот за пециво и се замесува тесто. Тестото треба да биде помеко, но не треба да се лепи на прстите, не се меси премногу за да не стане жилаво. Се остава да кисне околу 1 час да нарасне двојно.

За тоа време се подготвува преливот од омекнатиот маргарин и двете жолчки. Се посолува. Тестото се размесува и се дели на 4 топки. Првата топка се расукува во правоаголна кора и се премачкува со маргаринот и жолчката. Врз неа се става втората расукана кора, исто во правоаголник и се премачкува со смесата од маргарин и жолчка.
Истата постапка се повторува и со третата кора, а четвртата се расукува и се премачкува со кечап, се наросува оригано, урда, рендан кашкавал и парчиња свински врат. ( По желба може да се додадат печурки, маслинки...).
Вака подготвените кори се завиткуваат во ролат. Ролатот се сечe на пола. Потоа двата ролати се сечат цик, цак на триаголници и се редат во подмачкан со маргарин плех. Се оставаат да одстојат уште 15 минути и се премачкуваат со белките. Се наросуваат со сусам, сончоглед и лен и се ставаат да се печат во загреана рерна околу 30 минути на 220 степени. Добар апетит!

Ви препорачуваме овој рецепт да го подготвите со Сет тави за пица

Сет тави за пица

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови