Колач со гриз и мармалад (готов за пола час)
Сочен, ароматичен, превкусен колач кој е готов за пола час, а неговата подготовка покрај тоа што нема да ви одземе многу време, е едноставна и без употреба на миксер.
Подготовка
- Во длабок сад ги ставаме јајцата и ванилите, промешуваме со жица за матење. Го додаваме шеќерот - пак промешуваме.
- Потоа ги додаваме останатите наведени состојки, по редослед како што се напишани. После секое додавање на состојките малку промешуваме за да се соединат и изедначат убаво состојките.
- Смесата ја префрламе во тавче (намрсено и набрашнето) и колачот го ставаме да се пече во загреана рерна на 200 степени.
- Проверуваме со чачкалица кога е испечен колачот (јас печев околу 25 минути).
- Колачот најдобро е да се сече оладен, иако може да се сече и топол. Овој колач е сочен и мек, дури и наредниот ден, па и два, секако ако остане.
Забелешка - Јас печев во тавче со димензии 20х30цм.
На здравје!
Лиценца: Сите права се задржани
https://moirecepti.mk/post/%d1%81%d0%be%d1%87%d0%b5%d0%bd-%d0%ba%d0%b5%d0%ba%d1%81-%d1%81%d0%be-%d0%b3%d1%80%d0%b8%d0%b7-%d0%b8-%d0%bc%d0%b0%d1%80%d0%bc%d0%b0%d0%bb%d0%b0%d0%b4
едно време имаше правило под исти рецепти да се стави слика во коментар од испробан рецепт, да не се повторуваат. сега сум малку во недоумица дали се уште важи тоа правило...
како и да е, одлично си го дотерала во шарките
Недоумицата околу тоа правило најубаво ќе си ја решиш преку контакт со екипата на МР, во овој случај јас не можам да помогнам :)
П.С. Фала за коментарот за шарките, се потрудив :-)
за тоа си во право, правилата идат од екипата на МР. ти си малку понова на сајтот од мене, па верувам немаш многу претстава за правилата кои порано беа дури и престроги. јас и постарите членки овде, сме тие кои сме во недоумица секако дали рецептите треба да се повторуваат од секој автор посебно или пак сега тоа веќе не е важно.
прашањето е кон МР секако насочено овде јавно во коментар за сите да знаеме
Убаво би било да се постираат линкови од рецепти кои биле инспирација, доколу е таков случајот некогаш. Исто така, доколку станува збор за дел од рецептот кој вие го подготвувате, а тој дел е рецепт кој претходно некој друг го објавил (на пр. крем или сос) исто така добро е да се постира линк( на пр. сосот го подготвив според рецептот на хх и линк). На тој начин е полесно за самите читатели, а во исто време се дава пофалба за добар рецепт кој ви дал инспирација. Поздрав и имајте убав ден.
П.С. Помеѓу толку многу рецепти на оваа страна не верувам дека е можно да се запамети кој што постирал (ова важи за мене првенствено) а лично јас секогаш гледам да испробам нешто ново, без разлика дали е рецептот од интернет, од мои пријатели, резултат од моја комбинација на состојки или од мојот тефтер.
Поздрав и секое добро.
колешке сим, ве молам, не се навредувајте заради мојата реакција и не ја сфаќајте како лично напаѓање. се беше во контекст на правилата кои беа уназат особено строги, па се водев на она на кое мислев дека е правилно. секако дека ние повеќето рецепти од некаде сме ги зеле (иако има и помалку такви кои лично сами си ги креираме и споделуваме), што не значи дека еден ист рецепт го има само на едно место сега, особено во ерата на интернетот.
Ве молам и Вие не се навредувајте од мојата објава, немам таква намера.
Поздрав.
Поздрав и секое добро :-)