Доколку не ви се погоди лубеницата, ако е престасана или можеби не е блага, еве ви интересен начин за да ја искористите, посебно децата ќе се израдуваат на оваа желирана лубеница, која потсетува на гумени бонбони.

Најпрво ја длабиме содржината на лубеницата, ја блендираме и потоа добиениот кашест сок го прецедуваме преку цедалка. Добиената количина на сок ја мериме и сразмерно на неа додаваме желатин ( на 100мл сок ставив 10гр желатин )
Сокот од лубеница и претходно растворениот и набабрен желатин со дел од сокот ги ставаме во тенџере на тивок оган додека да се раствори желатинот ( без да зоврие ) и додаваме мед или шеќер доколку не е доволно благо, па потоа таа течност ја истураме во издлабената корупка од лубеницата. Се остава во фрижидер неколку саати додека да се стегне смесата.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови