Брз куглов со јагоди

Навистина многу брз и вкусен колач доколку непредвидено Ви се најават гости.
Овој рецепт е изведба од чаен колач со вишни на мајка ми. Подолу ќе Ви го напишам и оригиналниот рецепт.

Чекор 1
По желба количина на јагоди ставете на дното на кугловиот сад. Во меѓувреме изматете ги состојките со миксер и смесата истурете ја врз јагодите. Печете во загреана рерна на температура од 170 степени околу 45 минути.

Чекор 2
Почекајте да се олади колачот за да го превртите садот. По желба може да го посипете со мешавина од шеќер во прав и ванилин шеќер.

Јагодите може да ги замените со било кое красатко овошје.

Оригиналниот рецепт е следен
- 4 јајца
- 3 чаши бело брашно
- 2 чаши бел шеќер
- 2 чаши јогурт
- 1 чаша масло
- 1 прашок за пециво

Состојките се матат со миксер. Смесата се става во подмачкан плех и се посипува со вишни - количина по желба. Се пече на температура од 200 степени.

Уживајте во двете варијанти на колачот!