Тортиљите станаа главен дел од исхраната во многу земји и постои навистина добра причина за нивната популарност! Лесно тесто во кое можете да уживате на повеќе начини, а сега, ние ќе ги послужиме како основа за обилен појадок!

Преземи го рецептот во PDF

Состојки

За ТОРТИЉИ ќе ви треба:

  • 225 грама брашно
  • 1 супена лажица прашок за печиво
  • ½ лажичка сол
  • 50 грама путер или свинска маст
  • 100 милилитри топла вода

За ПРЕЛИВ ќе ви треба:

  • 2 јајца
  • 25 грама путер
  • 3 супени лажици млеко
  • 4 колбаси
  • 6 парчиња сланина
  • 2 домати
  • 1 кромид
  • 1 рака магдонос или коријандер

За подготовка на овој рецепт користиме Делимано Грил тава, Тава за пржење и Фестиво електрична тава.

Подготовка

Чекор 1: На почетокот подгответе го тестото за Тортиљите – не е многу тешко, но потребно е повеќе труд за убаво да се измешаат брашното, солта и прашокот за печиво пред да ја втриете маста со рацете додека убаво да се впие.

Чекор 2: Ставете го тестото на работната маса и полека додавајте ја топлата вода. Месете го неколку минути додека да омекне, исечете го тестото на две парчиња и од нив направете топчиња. Покријте ги со кујнска крпа и почекајте да стасаат.

Чекор 3: Во меѓувреме подгответе ја салцата – исечкајте го магдоносот, кромидот и доматот и убаво измешајте ги. Доколку сакате можете да додадете и малку сок од лимон!

Чекор 4: Исечете ги колбасите на ленти и печете ги заедно со парчињата сланина во Делимано Грил тавата додека да добијат златна боја и да станат крцкави!

Чекор 5: Изматете ги јајцата со млекото и пржете ги во путер, повремено промешувајќи, за да не се формира едно парче како кај омлетот.

Чекор 6: Попрскајте ја работната маса со брашно и од топчињата направете 2 кружни Тортиљи, малку засечете ги со нож доколку сакате да направите идеален круг. Ова зависи од тоа дали сте прецизни или не!

Ова повторете го и за втората тортиља.

Чекор 7: Загрејте ја Фестиво електричната тава и печете ги кратко Тортиљите на двете страни, но внимавајте да не ги препечете бидејќи можат да станат многу тврди. Запомнете дека процесот на готвење продолжува дури и откако ќе ги тргнете од тавата.

Чекор 8: Ставете ја Тортиљата на чинија и одозгора ставете ја мешавината од колбаси и сланина, јајцата и на крај салцата и така послужете. Ние додаваме и малку сушени лути пиперки!

СОВЕТ: Традиционалниот рецепт за Тортиљи вклучува свинска маст, но путерот и маргаринот се одлична замена. Свежата домашна Тортиља најдобро е да се консумира веднаш по нејзината подготовка бидејќи таа не може да се зачува толку добро како купечката.