Фичо ќе ни покаже како да направиме кинески колачиња со порака. Интересен десерт кој воедно содржи порака со значење за сегашноста и/или иднината.

Подготовка

Чекор 1: Мешајте ги сите состојки со лажица додека не добиете хомогена смеса. Пораките пригответе ги однапред. Рерната загрејте ја на 150 степени.

Најважно е да печете по максимум 2 колачиња. Треба да работите брзо, да не се стврдне смесата, а ако испечете повеќе колачи, ќе се стврднат и нема да ја направите саканата форма.

Чекор 2: Дозата е околу 1 лажица, истурете и размачкајте ја смесата во кружна форма. Печете додека не се заруменат краевите, околу 3-4 мин. Извадете ги, ставете порака и свиткајте ги со помош на шолја како во видеото.

Чекор 3: Нам ни излегоа 12 колачиња. Сервирајте ги сите во една чинија!

СОВЕТ: Една од класичните пораки гласи: Твојата креативна искра има значајно место во твојот живот! За повеќе пораки снимете го рецептот во .пдф.