Класичен летен рецепт во кој на раженче ги нижеме месото и морската храна и потоа ги потпекуваме во Грил тава или на скара. Ова е одлична комбинација бидејќи ракчињата стануваат розови, а месото се заруменува додека се пече.

Преземи го рецептот во PDF

Состојки

  • 10 ракчиња
  • 1 бифтек
  • 1 голем домат
  • 3 компири
  • 1 лимон
  • Власец за гарнир
  • Дрвени стапчиња

Ќе ви треба и:

  • Сол, бибер и маслиново масло

За подготовка на овој рецепт користиме Делимано Грил тава и Сет тави за пица.

Подготовка

Чекор 1: Ќе започнеме со подготовка на основата за јадењето – исечкајте ги компирите на подебели парчиња, не ги лупете, зачинете со сол, бибер и маслиново масло. Печете ги 20 – 25 минути на 160° додека да омекнат и кората да им стане крцкава.

Чекор 2: Исечкајте ги доматот и лимонот на ленти со слична големина.

Чекор 3: За подготовка на ракчињата, прво отстранете им ги главите и добро исчистете ги. Нив ќе ги готвиме во школката.

Исечкајте го месото на коцки и добро зачинете го. Парчињата месо и морските ракчиња редете ги наизменично на дрвените стапчиња.

Чекор 4: Загрејте ја Грил тавата или Делимано Фестиво тавата и во неа печете ги стапчињата со месото и ракчињата. Вртете ги повремено. Додека се готват, ракчињата ќе добијат силна розова боја. Проверете дали се готови парчињата бифтек и подготвени сте за послужување.

Чекор 5: За послужување, прво наредете ги парчињата компир, лимон и домат во форма на круг. Одозгора ставете 2 ражничи и украсете со свеж зелен власец.

СОВЕТ: Откако ракчињата ќе бидат готови, сочното месо многу едноставно излегува од школката. Одлична е сликата од чинија со празни школки и стапчиња за ражничи, по летен оброк кој ги задоволил вашите сетила.