Оваа торта е наречена Бесрамна, бидејќи со оглед на составот бара навистина да немаш ни срам, ни перде - и за да ја направиш, и за да ја изедеш. Составот е мешавина од јатки и житарки, а јаворовиот сируп ја омекнува и и` дава дополнителен сладок вкус.

Готвиме заедно со Ана Азгоур од блогот за жива храна Сурово и вкусно.

Преземи го рецептот во PDF

Состојки

  • 100гр бадеми
  • 100гр лешници
  • 4 лажици овесни снегулки
  • 1 лажица ленено масло
  • 1 лажица какао (или рогач)
  • 8 свежи урми

За прелив ќе ви треба:

  • 50гр лешници
  • 3 лажици сусам
  • 5 лажици брусница
  • Јаворов сируп за преливање

За подготовка на овој рецепт користиме Делимано Калап за векни и Делимано Кујнски сецко.

Подготовка

Чекор 1:Бадемите заедно со 100гр лешници мелете ги најситно што можете.

Чекор 2:Овесните снегулки покиснете ги во вода неколку минути, потоа исцедете ги и додајте ги кај бадемите и лешниците. Додајте ги и лененото масло, какаото и урмите. Мелете сѐ заедно додека да стане еднаква смеса.

Доколку немате сецко или машина за мелење што ќе ја собере целата смеса, може да мелете една по една од цврстите состојки, а потоа сите заедно со лененото масло и какаото да ги замесите како тесто.

Чекор 3:Вака приготвената смеса ја расплескуваме во Делимано Калапот за векни и ја попрскуваме со јаворов сируп. Одозгора наросете го сусамот, останатите 50гр лешници исечкани на покрупни парчиња и брусницата. На крај тортата попрскајте ја со уште малку јаворов сируп.

Чекор 4:Оставете ја тортата 2-3 часа во фрижидер, а потоа извадете ја од калапот.

Чекор 5:Сервирајте парче од тортата, па прелијте го со уште малку јаворов сируп. Потоа, уживајте без срам!

СОВЕТ: Ние оваа торта ја подготвивме со брусница, но вие можете да ставите суво грозје, суви кајсии или кокос, за да биде сосема според вашиот вкус.