Најмеко, млечно лепче што сум го пробала. Нешто како козињак, но уште уште помеко. Се топи во уста.
Прво се подготвува предтестото. На оган се ставаат водата и брашното на тивок оган се меша додека не се згусне. Оваа смеса ќе го направи тестото помеко и да биде свежо повеќе време.
Го загреваме млекото со квасецот (да биде млако кон топло) додаваме малку шеќер и го оставаме да се запени. Брашното, солта и шеќерот ги мешаме во пластичен сад. Слатката павлака, јајцето, кондезираното млеко ги матиме со маталка и го додаваме пред тестото. На крај и млекото со квасецот. Оваа смеса ја додаваме во брашното. Месиме мазно тесто, додаваме брашно во месењето(потребно ќе е уште 1-2 лажици) на крај го додаваме путерот. Убаво го размесуваме во тестото и месиме уште 4-5 минути. Го оставаме тестото да кисни 1-2 часа на топло(најубаво е да преноќи)

Тестото го делиме на 4 дела. Од секој дел развлекуваме правоаголна кора, ја виткаме на страните и виткаме ролат(види слика). На истиот начин ги виткаме и останатите 3 делови. Се редат во калап за векни. Се остава да кисни уште 1 час на топло. Пред печење се премачкува со 1 јајце изматено со 4 лажици млеко.
Се печи во загреана рерна на 180 степени околу 30тина минути. Последните 10тина минути убаво е да се покрие со алуминиумска фолија. Откако ќе се испечи се премачкува со путер. Се покрива со кујнска крпа.
Совет: Направете го тестото од вечер, да кисни цела ноќ. Ќе се воодушевите од изгледот, мекоста и вкусот на лепчето.
На здравје!

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови