Подготовка:
Путреот и шеќерот пенасто изматете ги додека се стопи шеќерот.
Додадете едно по едно јајце и аромата ванила.
Додадете ги и останатите состојки и замесете глатко тесто.
Тестото ставете го во најлон и оставете го 1 час во фрижидер.

За тоа време чоколадото искршете го на помали коцки, секоја коцка барем на пола.
Јас половина правев со чоколадо, а половина со чоколадиран марципан. И двете придонесоа на вкусот на свој начин.

Земајте од тестото и правете топчиња. Јас гледав секое да ми е приближно 14 гр.
Во секое ставете парче чоколадо и обликувајте го убаво во топче.

Редете ги во плех обложен со пек хартија и печете во загреана рерна на 180С 12-15 мин, односно додека одоздола не заруменат.

Топли извалкајте ги во шеќер во прав.

Добро затворени овие колачи можат да се чуваат и подолго време.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови