Ретко подготвувам торти со кокос бидејќи имам член на семејството кој не е баш љубител на кокосот.
Мојата идеја беше да направам бела торта во која при пресек ќе дојдат до израз боите на желе бонбоните, и мислам дека успеав во тоа.

Подготовка
1. Овесните снегулки и бисквитите ги мелеме. Јас тоа го направив во Нутрибулет.
2. Ги соединуваме со шеќерот во прав, растопениот кокосов путер, ванила екстрактот и слатката павлака.
3. Во калап тава со обрач бр. 24, кое сме го премачкале со путер ја ставаме смесата и ја измазнуваме. Го одложуваме калапот во фрижидер.
4. Ги сечкаме желе бонбоните на мали коцкички.
5. Засладеното кондензирано млеко и слатката павлака ги соединуваме, само промешуваме со лажица, не ги матиме со миксер.
6. Ги додаваме кокосовите снегулки и желе бонбоните, па внимателно соединуваме.
7. Целата смеса ја распоредуваме на подлогата и оставаме малку да се стегне и да се соединат вкусовите.
8. Поминуваме околу страниците на тортата со ноже за да ја одвоиме од калапот и го тргаме обрачот.
9. Украсуваме по желба.

Забелешка
Ако сакате можете калапот да го обложите и со најлонска фолија или ацетатна хартија.
Ова е точна доза на употребени состојки, меѓутоа ако не ви се допаѓа густината на филот или на подлогата слободно калкулирајте со течностите што ги содржат.
На главната фотографија состојките што се употребени се околу ¼ од потребните, од напишаните. Дел од состојките ги тргнав на страна и ги подготвив во мал калап за да имам поубава фотографија. Остатокот го подготвив во тава со обрач бр.22.
Еве и вака може ако сакате да направите помала доза.
Инаку може да ја прекриете со ганаж од бело или црно чоколадо иако и вака нејзиниот изглед е предизвик за да се проба.