Супер идеја за здрав ручек, ова е моја комбинација на состојки. Слободно можете и сами да си испробувате и импровизирате. Начинот на кој јас го подготвувам овој ручек е следниот.

1. Празот и кромидот се сечкаат ситно, јас го користам Џој сечкото од Делимано. Во нелеплива тава за пржење се става путерот кога ќе загрее се додаваат празот и кромидот се пржат на ниска температура кога ќе се запржат и омекнат се додаваат копривите кои се сечкани на поголеми парчиња, но претходно треба да зовријат на тивок оган (во зима користам претходно подготвени и замрзнати, може исто така да се користат и суви коприви), заедно се пржат да се соеднинат состојките и се додава оризот (може да се користи и интегрален ориз, но потребно е подолго време за подготовка), се пропржуваат уште малку и се додава киноата и зачините (сол, бибер, буковска пипер, блага пипер, чиа семе, вегета, афион и други зачини по ваш вкус).

2. Кога се добро ќе се соедини, се става смесата во тава за печење и се додава вода два прсти над оризот, се додаваат компирите кои претходно се сечат на кругови и се редат црвените пиперки.

3. Се става во претходно загреана рерна на 250 степени и се пече околу 20-30 минути, односно додека не испари водата и малку да се зацрвенат пиперките.

Така приготвениот ручек јас го сервирам со едно топче павлака.
Се надевам дека ќе Ви се допадне оваа здрава комбинација, пријатен ручек!

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови