Едноставно кажано лебов е совршен.Со крцкава тенка кора а мек како сунѓер внатре.Точно пратете ја постапката ни нема да згрешите доколку го направите.
Во сад се става 400 гр брашно,една лажичка сол и се турива млаката вода.
Се меша се убаво и се додаваат останатите 100 гр брашно.Тестото се меси да биде мазно околку 3-4 минути.Садот се покрива со најлонска фолија и се остава да нарасне 45 минути.
После поминатото време на набрашнета површина се меси повторно тестото околу 3-4 минути.Се посипува и згора со брашно и се сучи кора дебела околу 1 сантиметар.
Сега кората почнуваме да ја виткаме во ролат.Секое превиткување на кората на крајот убаво го притискаме со прстите(ќе видите во приложените фотографии).Лебот го ставаме на пек хартија во плех и убаво го мачкаме со млака вода и на топло го оставаме да стасува 45 минути.
Пред печење повторно го мачкаме со млака вода.Лебот го печеме во загреана рерна на 200 степени околу 30 до 35 минути.Кога е напола печен лебот уште еднаш го прскаме со млака вода.
Печениот леб го оставаме малку да олади (не го покриваме со ништо).
На здравје!

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови